விடுமுறைக்காக சொந்த ஊரான நாகர்கோயில் வந்தேன். ஒவ்வொரு முறை வரும் போதும் நாகர்கோயிலின் பொருளாதார வளர்ச்சியையும் வெவ்வேறு பன்னாட்டு நிறுவனங்கள் இங்குக் கடை போட்டிருப்பதையும் காண்கிறேன். அதனுடன் சேர்ந்து இப்போது நாகர்கோயில்க் கடற்கரைச் சாலையில் (Beach Road) குப்பை மேடொன்றும் தோன்றியுள்ளது. இந்தியா முழுவதும் வளர்ந்து வரும் திடக்கழிவு சிக்கலின் வெளிப்பாடு இது.